english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.MEI 2004
Redaktion: Europäisches VerbraucherzentrumGARANZIA LEGHELA I
Na particularità ti Paejes Tudësc
Tla Talia vel la garanzia leghela de doi ani mé ti caji de compra danter cunsumadëures y marcadënc. Chësc ie defrënt ti Paejes Tudësc: ilò vën chësta norma nce aplicheda te compres da cunsumadëur a cunsumadëur o da firma a firma. Sce duta dova la pertes ie a una, possa chësta norma unì stluta ora dal cuntrat de compra tres tlausules sciche per ejëmpl ‘Chësc auto vën cumprà sciche l ie unì cialà ju y pruà ora dal cunsumadëur. Uni dërt de garanzia su danns eventuei ie da stlu ora.’GARANZIA LEGHELA II
Na particularità tl Portugal
De norma vel l dërt de garanzia mé sce l dann al prudot ne ie nia unì gaujà dai/dala cunsumadëures ma fova bele tlo dal mumënt dla compra o dla rezevuda. Dé la proes de chësc fat ie scialdi rie o tan che nia mesun. Tla Talia vëij la nueva lege de garanzia dant che ti prim sies mënsc do la venduda muessa l marcadënt mustré su che l prudot ne fova nia da defet tl mumënt dla compra; ma ti 18 mënsc do muessa la y i cunsumadëures desmustré che i ne à nia gaujà l dann. Tl Portugal ie la situazion autramënter: per dut l lim de garanzia de doi ani muessa i venditëures mustré su che i ne ie nia respunsabli dl dann.VIAGË USA
Desposizions de ntreda
Dal 5 de jené 2004 muessa duta la zitadines y duc i zitadins talians che ie per jì tl USA cun n visum dé ju si dac biometrics: l ti vën fata na registrazion digitela dl sëni dl indesc a duc i damandënc. Dai 30 de setëmber dl 2004 unirà chësta prozedura nce aplicheda sun chëi vijitadëures che se nuzea dl VWP (Visa Waiver Program) y donca ruva ite ti USA zënza visum.Dal 26 de utober 2004 puderà la zitadines y i zitadins dla Talia mé plu jì ti USA cun n passaport che se lascia liejer dala mascins. Ajache la Talia dà bele dal 1998 inant mé plu ora passaporc de chësta sort ne porta chësc regulamënt pro a deguna mudazion. Da nuef ie l fat che da utober dl 2004 inant muessa duc i mutons y la mutans che viagia tl USA tres l VWP avëi n passaport persunel; l ne vel nia plu la registrazion tl pas di genitores.
Metëde averda: Chiche se nuzea dl VWP sotscrij ala ntreda che l lascia vester de cuntrasté l’autoriteies tl cajo che ti vën refudeda la ntreda. Chiche uel jì ala segura dëssa fé dumanda per n visum de ntreda dal consulat american.
E-COMMERCE
La cunsumadëures y i cunsumadëures ne à mo for nia crëta
Na nrescida atuela dla rë dla Zentrela Europeica Cunsumadëures (The European Online Marketplace: Consumer complaints) mostra su na lingia de rejons y fators che tën zeruch la stabilisazion dl e-commerce. Chësta nrescida ie da giapé pra la ZEC y sun la plata internet www.euroconsumatori.org.CAJO DL MËNS
Cie da dessené sce n à cumprà n pèr de ciauzei da ginastica oradecà y rua permò sëura a cësa che te scatula iel doi ciauzei drëc!Chësc ti ie suzedù a na cunsumadëura taliana che ie jita a Paris. Ajache la ne savova nia franzëus ti àla mandà ala firma lëtres y fax per talian speran de giapé ca l ciauzel cianch. Ma la firma ti à permò respendù canche la ZEC ti à scrit per franzëus: s'ën possa la cunsumadëura finalmënter sauté sciche toca, cun n ciauzel cianch y n drët.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239