english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.JENÈ 2004
Redaktion: Europäisches VerbraucherzentrumMULTIPROPRIETÀ
Deguna antizipazion pra la renduda
For inò conta patrons y patrones de multiproprieteies che i/les à antizipà nce nchin a 1.500 € a na firma de revenduda y de ne audì o ne udëi dadedò plu nia de chësta firma, sambën nce zënza che l’enes ie unides vendudes. Cie che muda ie la gauja per cie che l’antizipazion vën damandeda: spëises per n zertificat che atestea la proprietà dl’enes , zënza chël che l ne dassëssa nia vester puscibl vënder, la compra de n’ena sëuraprò, ajache po se duplichëssa la pusciblteies de venduda, spëises per retlams y nserac y nsci inant.Nosc cunsëi: l ie unfat cie soma che l Ve vën damandà de antizipé, pertendëde for che chësta soma vënie n iede paieda dala firma de revenduda y che la Ve vënie po trata ju dala soma de venduda. Dal pont d’ ududa giuridich ie chësta spëises defati pert dl risch dla firma de revenduda y les messëssa vester cuntenides te si pruvision che ie permò da paië do la venduda.
E-COMMERCE
Garanzia legala o cumerziela?
N ucajion dla cunsulënza on-line per l e-commerce dl 10 de dezëmber iel unit fat na dumanda de mpurtanza che ie po nce unida tlarida: Sce n po, canche n à per ejëmpl cumprà oradecà na digicam (telecamera digitela) y chësta à vel melfunzionamënt, mé jì pra na berstot autoriseda dal produtëur tl stato ulache n viv, te nosc cajo la Talia, o sce n muessa la mandé ite a cuncé ala firma de venduda (on-line trader)?L ie da defrenzië: la garanzia legala (2 ani) ie data ti cunfronc dl venditëur, che possa se damandé che l prodot ti vënie mandà per unì cuncià, ma l muessa seurantò la spëises de trasport. La garanziea cumerziela, normalmënter cunzeduda dal produtëur, ie na prestazion seuraprò. La po udëi danora sibe la reparazion dl prodot pra na berstot autoriseda tla ujinanzes dl luech de residënza dl cunsumadëur, che nce l bujën de mandé ite l prodot tla firma de produzion a spëises dl cunsumadëur. Nosc cunsëi: dan cumpré damandëde l venditëur y l produtëur cun n e-mail, sce pudëis lascé cuncé, tl cajo de melfunzionamënt, l prodot pra na berstot autoriseda daujin a ulache stajëis y sce chësc Ve cumporta vel’ spëisa.
EUROPA
Vosta usc tl’Europa
http://europa.eu.int/yourvoice - n viere dedicà ai zitadins y ala zitadines europeiches, che ne pieta nia mé na sdredia de nfurmazions, cunsëies y assistënza ala jënt, ma tres chël che la Cumiscion Europeica Ve damanda de purté a esprescion Vosta minonga sun argumënc defrënc de gran mpurtanza, sciche la defendura di dac, l ampliamënt dla UE, l’alimentazion biologica. L ie oradechël nce udù danora la puscibltà de rujené pea pra discuscions sun cuestions d’atualità cun cumisseres europeics o cun d’autri zitadins nteressei/d’autra zitadines nteressedes. Uni di se nuza plu de 10.000 persones y aziendes de chësc viere per pudëi dì la sia diretamënter ai organns de dezijion dla Union Europeica.L CAJO DL MËNS
Ala fin iela mpo mo jita fata
Maian n “cantuccio” se à na cunsumadëura svedeja rot n dënt per gauja de n toch de na crosa de cucia. Do n valgun iedesc che la s’à lascià audì pra l produtëur dla papes ti à si assegurazion paià l dann gaujà, coche l Zënter Cunsumadëures Europeich se l’ova damandà sun ncëria dla cunsumadëura svedeja. Sambën ti resterà ala cunsumadëura n pue de ante tla bocia, ënghe sce l produtëur se à cumpurtà de plën aldò dla normativa n cont dla respunsabltà di produtëures, ma ala fin iela mpo mo jita ora bën!
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239