english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.FORÀ 2004
Redaktion: Europäisches VerbraucherzentrumEUROPA
DG Monti: na maiù sconanza por i consumadus
La Comisciun europeica à nominé n funzionar de coliamënt por i consumadus y les consumadësses pro la Direziun Generala dla concurënza. Chësc é n vare important por la sconanza di consumadus europeics che ciafa a chësta manira na usc plü sterscia ti confrunc' de grups industriai importanc'. Juan Riviere y Marti n’é nia ma na porsona de referimënt por les assoziaziuns europeiches di consumadus mo inc'e interlocutur por vigni singul consumadù. Implü informëiel grups de consumadus y consumadësses por c'i che reverda caji de concurënza pro chi che ai po dè contribuc' de ütl. Inultima à le funzionar de coliamënt le dovëi de se mëte en contat cun les autoritês nazionales competëntes tl c'iamp dla concurënza por chestiuns revardëntes la sconanza di consumadus.I consumadus y les consumadësses po tó sö contat cun le funzionar de coliamënt scrion a chësta misciun email: COMP-CONSUMER-OFFICER@cec.eu.int
IADI
Passaport: martl da bol scê o no?
La tassa de conzesciun anuala por passaporc' mëss ma gnì paiada tl caje de iadi te paîsc fora dl’Uniun Europeica.Insciö podëise Ves infidé a rodè te düc' i paîsc dl’Uniun Europeica cun n passaport varënt zënza messëi incolè lassura vigni ann le martl da bol aposta.
Por de plü informaziuns: www.poliziadistato.it
POSTA
Nöies tarifes postales dal 2004
Dal 1 de jenà 2004 n’él nia plü poscibl menè te n ater paîsc europeich na lëtra francada sciöche lëtra “ordinara”: an messarà proved la lëtra cun n stempl “priority”. Sce an se fej i cunc' spo ó chësc dì che por ejëmpl por na lëtra c'ina a 20 g paiun 21 cent implü. Al resta ma plü da sperè che la posta prioritara röies veramënter plü snel a post.DOGANA
Agenzia dla dogana – manira nöia de comuniché cun i zitadins
Da püch à l’Agenzia dla dogana instalè sön süa plata internet n sorvisc nü por i zitadins y les zitadines che ciafarà insciö te cört tëmp informaziuns trasparëntes y stlarimënc' ales domandes revardëntes le daz.Al bastarà scrì fora n formular spligan en cört le problem y tl tëmp de ot dis da laûr ciafaràn la resposta tres posta eletronica.
Sön la plata internet www.agenziadogane.it clican sön “Ufficio telematico per le relazioni con il pubblico” podëise ciafè le formular y de plü informaziuns sön chësc argomënt.
LOTARIA
NKL – Norddeutsche Klassenlotterie: metede averda ala fatura
La NKL pîta tres telefonn la poscibilité da cumprè chertes dla lotaria di Paîsc Todësc. La maiù pert dles porsones che vëgn tocades da chësc fat se fej menè por posta informaziuns plü avisa, ciafan indere bele n zertificat de partezipaziun cun na “fatura” laprò.Valgügn va bel atira a paié ite ponsan d’avëi azetè adinfal al telefonn de partezipé al’estraziun cumpran na cherta dla lotaria.
Aladô dles condiziuns generales dla NKL resultëiel che i zertificac' de partezipaziun ala lotaria menà adalerch é ma ofertes. Impormò cun le paiamënt dl import nâscel le contrat inanter la NKL y le consumadù o la consumadëssa che partezipëia insciö al’estraziun.
Sce l’import indiché sön la “fatura” ne vëgn nia paié vëgn l’oferta anulada zënza degügn dovëis por le consumadù o la consumadëssa.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239