english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.JENÉ 2002
Redaktion: Zentrela Europeica Cunsumadëures Bulsan
Euro-hotline tl Zënter Consumadëures Europée
Tl tëmp de transizion al euro possa i/la consumadëures de Südtirol giaté nfurmazions sun la valuta nueva pra l Zënter Consumadëures Europée. Tl ZCE ie perchël unida njinieda ìte na euro-hotline (tel. 0471-940872). I/la consumadëures uel verifiché i priejes dac sëura y i calculi de cunverscion, ajache nia duc chëi che meina n eserzize ne se tën a la leges. La usservazions y la comunicazions di/dla consumadëures vën abinedes adum y pona publichedes te na "lista foscia". Oradechël vën chisc dac mandei ala Cumiscion Europea y al Eurocomité. Sce l ie unic dac sëura priejes fauc vën l fat eventuelmënter dat sëura pra l'autoriteies de cumpetënza. Tla ZCS y tl ZCE possa i/la consumadëuress giaté n libret de economia de cësa euro, tres chël che l messëssa vester plu saurì tenì de uedl i priejes ntan chisc mënsc. La euro-hotline resterà davierta dal lunesc nchin ala juebia dala 9.00 nchin ala 12.00 y dala 14.00 nchin la 17.00, l vënerdi dala 9.00 ala 12.00.Giamiëda debant per valutes di stac che à tëut pert pra l euro
La Banca d'Italia y si filiales giamiera debant te lires nce ti mënsc che vën dl 2002 la valutes d'autri paejes che ie passei al euro. Ma l ie da tenì cont de n valgun lims: la valutes di paejes che ie passei al euro possa mé unì giamiedes per n valor de 3.000.000 de lires al di. La muneides di paejes cun l euro ne vën nia azetedes. Sce n à zedules de na valuta che ne vél nia plu coche mesun de paiamënt legal tl paesc de pruveniënza, ne possen nia les giamië pra la Banca d'Italia, ma mé pra la Banca Zentrela naziunela dl paesc de emiscion.La lira vel mo nchin de merz sciche scioldo n cuntanc
Perdrët cunsieien de giamië la vedla valuta bele dal Ann Nuef y de se nuzé mé plu dl euro sciche paiamënt n cuntanc, ajache mé a chësta maniera se usen tosc ai scioldi nueves. Ma la lira ne sarà permo dai 1 de merz nia plu l mesun legal de paiamënt y la possa perchël mo unì adurveda de jené y de fauré. De segur penserà l un o l auter permo ti ultimi dis de fauré de giamië si ultima lires te euro. Cie ie pa sce i eserzizies ne azetea nia paiamënc n lires y se damada l paiamënt n euro o cun cherta de credit o bancomat? Chësc pudëssa te n prim mumënt semië legitim ma ne curespundëssa nia ai regulamënc dla lege: sot al articul 1277 veij l caudesc zevil danora esplicitamënter che debic de scioldi possa for unì paiei cun scioldi che ie valeivli sciche valuta legala tl mumënt dl paiamënt.Da lugio 2002 deguna defrënzia de spëises danter prelevamënc cun bancomat tla Talia y ordeca
Sceben che cun la ntroduzion dla valuta nueva toma ti dodesc paejes euro demez la spëises de giamieda, paia i/la consumadëures ncuei mo scialdi deplu spëises de banca canche i fej prelevamënc te n paesc che ne ie nia l sie o canche i fej n paiamënt bancher delà di cunfins. Chësc dëssa sën avëi na fin: dal lugio dl 2002 sarà la spëises per i prelevamënc de scioldi cuntanc dal bancomat te d'autri stac dl euro adatedes ala spëises dl paesc te chël che n viv. Da lugio dl 2003 dëssa nce unì adatedes la spëises di paiamënc bancheres delà di cunfins (tl raion di stac dl euro) ala spëises per la transazions tl stato, ma mé per paiamënc bancheres de n valor de alplu 12.500 euro. Permo dal 1.1.2006 unirà chësc valor lim auzà a 50.000 euro. |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239