english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.MERZ 2002
Redaktion: Zentrela Europeica Cunsumadëures Bulsan
INTERNET
"Kim" - l prim robot rujenent per i/la consumadëures
Si inuem ie Kim y da mei de chëst ann vìvela tla zaita online europea per jëuni www.yomag.net. Ilo nvieiela i/la vijitadëures a ciaculé, respuend a dumandes di/dla consumadëures y ie nce davierta a "small talk" y flirts. Ma Kim ne ie nia na moderatora sc'che d'autres: la ie cie che vën tlamà n Lingubot - n robot rujenënt y cun de chël na parënta de Lara Croft.La zaita consumadëures ie njinieda ite coche na plataforma de minonghes sun chëla che jëunes y jëuni de duta l'Europa possa publiché si articuli n cont de temes che nteressea i/la consumadëures. La mira ie chëla de svilupé na cusciënza critica y n cumportamënt de consum da fundamënt. Cun la moderatora virtuela "Kim" van sën dl viers de na streda nueva per ti fé avëi plu saurì uni sort de nfurmazions ai/ala consumadëures jëuni/jëunes. Na nrescida pra i nuzënc/la nuzëntes à mustrà che la moderatora ti sà drët da ulëi bon a duc y che la vën cunscidreda coche nrichimënt per la plata web. Che l ngleisc ie la rujeneda plu adurveda ne veij i jëuni/la jëunes nia coche n problem, al cuntrer, l ie per ëi/ëiles plu che auter na ucajion de mparé.
VËNDER PRA PORTA I
Venduda pra manifestazions de lies
Dal autonn dl 2001 incà vën la ZCE for plu suënz nfurmeda che l ie scumenciadives de venduda te luesc ulache n ne se les aspitëssa perdrët nia: nsci per ejëmpl pra ancuntedes de lies da tlo ncantëur. La consumëntes y i consumënc ne ie te chësc cajo nia mé desvantajei: n ie nzaul danter cumpanies y l ie n'atmosfiera da sté saurì. Te chësta situazions tenden deplù a ti dé crëta a n venditëur bon de musa. L di do se dumanda truepsc coche i à p.e. pudù cumpré n "cufer de vitamines" per 250 Euro o n auter prodot che i ne adrova perdrët nia. Pra chësta ancuntedes ruva chisc vendëures suënz tres scincundes a chëi che stà a cë dla grupes y lies: te un n cajo fovel nchinamëi n'eura d'or!La ZCE lecorda che la lege veij danora n dërt de rezescions che ie nce valeivl tl cajo che la firma che vënd ie da oradecà (Paesc Tudësc o Austria). Nfurmazions plu avisa abineis tla plata Info "Der Rücktritt von Verträgen", che ie da giaté pra la ZCE o sun nosta homepage sot a www.euroconsumatori.org- rubrica Info.VËNDER PRA PORTA II
Canche vëncer devënta ublianza
Ala ZCE ti ie unides a urëdla metodes nueves de venduda pra porta pra chëles che n muessa mëter verda dassën: Pra la presentazion o la compra ti vën ai consumadëures/ala consumadëures cunedì la venciuda de n viac. Ma cie che vën scutà via ie che l viac vën apustà sun l inuem dl consumadëur y che l "fertunà" muessa l fé! Sce n ne fej nia l viac (per mancianza de nterés o ajache l ne l sà nia) giàtel ora de nia contes autiscimes de storno. Nosc cunsei: sotscrijëdes merë deguna zedula o zertificazion de venciuda, ajache l pudëssa vester, sce n la liej avisa, na zertificazion de apusteda dl viac!!!!ALIMENTAZION
Vënder prodoc Tahiti-Noni tla UE ie mo for ilegal!
De merz dl ann passà à l Zënter Consumadëures Eurpée cumetù de no cumpré prodoc Tahiti-Noni, che vën fac dal frut "morinda citrifolia". De gauja ie for mo la permiscion mancënta per pudëi importé y vënder chisc prodoc tla Union Europea.For ino cherd consumadëures su pra la ZCE a damandé sce chisc prodoc Noni ne ie bën nia de dann. Ma l ie pu iust chël che i respunsabli dl'Union Europea uel studië y verifiché. I prodoc Noni giaterà permo la permiscion per l marcià t'Europa canche l ie desmustrà che i ne gauje degun dann ala sanità.
La ZCE cunsieia a duc i consumadëures y a duta la consumadëures de renunzië al consum de chësc prodot nchin che l vën lascià pro tla UE.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239