english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.MEI 2002
Redaktion: Zentrela Europeica Cunsumadëures Bulsan
SANITÀ
Metëde verda! L ie ncantëur prodoc de vitamines nia lascei pro
Ino n iede ie te Südtirol ncantëur preparac de vitamines (chëst iede te forma de ampules, y piles, npachedes te n cufer elegant), che vën presentei y vendui a priejes astronomics n ucajion de referac sun la capazità de varì dla natura. L vën dit che chisc preparac ësse na fazion de prevenzion a malaties sciche l bot, diabetes, alzheimer o deprescions: dut nia veira!Cie che trueps ne sa nia: aldò dl dërt dla UE muessa per duta la sustanzes njuntives a maiadives (p.e. preparac de vitamines, magnesium, calzium y auter), dan che les ruva sun marcià, unì lasceda pro dal Ministere dla Sanità la eticheta che dà sëura avisa l cuntenut y la cuantiteies. Sce a na sustanza ti vën atribuida na fazion varienta o de prevenzion tómela tla categoria dla medejines y po muessela passé pruzedures y ejames scialdi plu rigurëusc. Merë béle la produzion de sustanzes medejineles ie sometuda a na permiscion aposta. Sce n ne se tën nia a chësta diretives vënien straufei. Na nrescida metuda a jì dala ZCE a purtà a lum che l preparat nunzià ne ie mei unì lasciá pro ti Paesc Tudësc ulache l vën fat y che la firma de produzion ne ie nia plu registreda da plu de n ann. Y mo deplù: contra la firma vëniel nrescì da pert dl procuradëur dla Republica de Oldenburg.
EUROPA
Di dl' Europa - 9 de mei, Plaza Walther, Bulsan
9 de mei - di dl' Europa y Bulsan festejea pea!Dala 10.00 scumëcela sun plaza Walther! L unirà presenà spëises dai paejes cumëmbri d'Europa, mujiga de ustaria de Viena y per i pitli iel clowns che porta de bona ueia.
I stonc de nfurmazion dla Zentrela Consumadëures Europea, dl Info Point Europa, dla purtina Eures y dl Euro Info Center pieterà nfurmazions defrëntes sun l'Europa y sun Vosc dërc de zitadin europée.
Dala 18.00 inpo saràl po na gran festa de folclor cun la defileda di sunadëures de "Dudelsack" dla Scozia, na representazion da druch de flamenco y mujiga folcloristica dl'Irlanda.
Gudëve l'Europa cun dut Vosc sënsc ai 9 de mei sun plaza Walther!
Na scumenciadiva dla Union Europea, dla Region Trentin-Südtirol, dla Provinzia Autonóma de Bulsan, dl Chemun de Bulsan y dla Camera dl Cumerz.
Cajo dl mëns
Ntan si feries a Pesaro à n abitant de Hamburg cumprà na roda per 695.000 Lire. Pervia che bele pra si prima raida de proa ie unides ora de gran mancianzes pra l njin dla marces se à l cumpradëur debota damandà dal buteghier l barat de si roda cun una nia da defet dla medema sort. L buteghier ti à respundù che chësc ne ie nia puscibl aldò dla lege - cossa che ne ie nia vëira -, ma che l fossa stat a una de ti la cuncé. Cin iedesc ie l hamburghesc po jit tla buteiga per se tò la roda, ma la ne fova mei njinieda.A Hamburg, zënza roda, aspitovel debant sun n sëni de vita da Pesaro. De fauré ie po la ZCE unida nciarieda de se cruzië dl cajo. L venditëur de rodes ie unì cuntatà y nvià a ti paië a reter l priesc dla roda. Permo do la terza lëtra à l aucat dl buteghier respundù cun na ufierta de apaieda: mé 400.000 Lire de rembursamënt, ajache l ne se tratova nia plu de na roda nueva.
Chësta ufierta veiramënter assurda ie stata la ucajion per la ZCS de fé n ultimo var per l consumënt fregà:
Cun n scrit tler y nia da melntënder ie l buteghier unì manacià de unì dat sëura per defraudazion sce l ne ëssa nia mandà, sun si spëises, la roda cunceda a Hamburg.
N tòn plu dur, semea, à plu suzés: dann n valgun dis ie la roda ruveda a Hamburg.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239