2007
2006
2005
2004
2003
2002
	2002 ladin
		Dezëmber 2002
		Nuvëmber 2002
		Otober 2002
		Setëmber 2002
		Lugio-agost 2002
		Juni 2002
		Mei 2002
		Auril 2002
		Merz 2002
		Faurè 2002
		Jené 2002
		Dezëmber 2001
		Nuvëmber 2001
	Dezember 2002
	November 2002
	Oktober 2002
	September 2002
	Juli/August 2002
	Juni 2002
	Mai 2002
	April 2002
	März 2002
	Februar 2002
	Jänner 2002
2001
2000
Juli/August 2008
Juni 2008
Mai 2008
April 2008
März 2008
Februar 2008
Januar 2008
Jenà 2008

Verbrauchertelegramm / 2002 / 2002 ladin / Juni 2002

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

JUNI 2002

Redaktiona: Zentrela Europeica Cunsumadëures Bulsan

VIAGË

Feries - (speron) l tëmp plu bel dl ann!

Cun l cudejel "Erste Hilfe für den Urlaub" porta la Zentrela Consumadëures Europea pro - iust a drët per l scumenciamënt dl d'instà - a n bon garaté dla feries. L cudejel de 31 plates trata la sperienzes de uni sort dla ZCE cun i festidesc y i problemes de persones che ie de viac: dala apusteda dl viac ai problemes tipics tl luech de feries.
Senificat y mira dl libret iel de dé respostes a dumandes y pesimes y de abiné prupostes de soluzion per la mëndra y majera sciachedes ntan la vacanzes.
L libret de fuia "Erste Hilfe für den Urlaub" (prim aiut tla feries) possa unì tëut pea tla feries dala consumadëures y dai consumadëures per vester de utl cun cunseies te chësc plu bel tëmp dl ann.

DËRT

Vënder tres mesuns de comunicazion: tl'Austria, ti Paesc Tudësc y tla Talia vel tiermui de revoca defrënc

Cuntrac de venduda oradeca tres mesuns de comunicazion (Fernabsatzverträge) ie cuntrac per mené adalerch marcanzia o per dejëujer servijes fac danter na firma y n consumadëur/na consumadëura se nuzan mé de mesuns de comunicazion a distanza (lëtres, cataloghes, Internet, telefonn y nsci inant). La diretiva europea n. 97/7 ti à segurà ai consumadëures/ala consumadëures per chësc ciamp rejons particuleres, danter auter nce na rejon de revocazion de almanco set dis de lëur. Ma per la realisazion de chësta diretiva à la legislazion austriaca, taliana y tudëscia udù danora tiermui defrënc: 7 dis de lëur, 10 dis de lëur y doi enes. Chësta defrënzies possa crië melentënder danter i consumadëures/la consumadëures dantaldut pra n consum che và sëura i cunfins ora. Oradechël ne rata la lege austriaca la sada espressivamënter nia coche di de lëur, ntan che la verscion taliana dla lege ne dij nia n chësc cont ti lascian nsci l'ultima parola ai magistrac.
Nosc cunsëi: pra chësta sort de venduda muessa la firma nfurmé per scrit la consumadëures/i consumadëures sun si rejon de revocazion dl cuntrat. Chiche compra ìte delà di cunfins dassëssa se liejer tres l cuntrat avisa!

CUNVËNI

Cunvëni internaziunel sun la legislazion n cont de garanzia

Ai 14 de mei ie unì tenì tl Palis Widmann a Bulsan n cunvëni internaziunel sun la metuda n pratica dla diretiva dla UE che reverda la garanzia pra marcanzia. Referënc fova Jens Karsten sciche representant dla cumiscion europea - direzion generela SANCO, Prof. Giorgio De Nova, che à tëut pert pra la metuda n pratica dla diretiva tla Talia y Peter Kolba, che à partezipà tl lauré ora la lege.
De 15 stati cumëmbri à mé i Paesc Tudësc, la Finlandia, la Talia y l'Austria tëut su la diretiva. Pra l cunvëni ie unides analisedes la carateristiches de majera mpurtanza di tesc legislatives y auzedes ora la defrënzies.
L cunvëni ie unì metù a jì dala Jonta provinziela, dal Ufiz per cuestions de cabinet n cunlaurazion cun la zentrela consumadëures Südtirol y la zentrela consumadëures europea.

CAJO DL MËNS

Dan n valgun mënsc ie n berba n pue plu de tëmp jit a vijité la fiera "Bauen und Wohnen" a Viena. Pervia de si malatia de demenza a n livel bel bendebo inant àl sotscrit deplú cuntrac per la compra de mubilia, nsci nce na apusteda da na firma taliana per cumpré y njinië ìte n canape per n valor de 1.000 Euro. N pez do chësc fat ie i mutons dl berba unic al savëi de chësta jita ala fiera. Debota ti ài scrit a duta la firmes pra chëles che si pere ova apustà o cumprà les perian bele de sturné la apustedes y la compres per mancianza de capazità de pensier dl cunsumadëur. Pervia che la firma taliana ne à nia tëut posizion n cont dla dumanda iesi jic a damandé aiut pra la ZCE.
L scrit dla zentrela che à sotrissà la situazion zariëusa dl consumadëur à mpo mo purtà la firma a sturné l'apusteda dl canape zënza paiamënt.


software by endo7