english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.LUGIO-AGOST 2002
Redaktion: Zentrela Europeica Cunsumadëures Bulsan
VIAGË I
L catalogh ie lient!!
Canche n aposta n viac se lascia i/la consumadëures sun la descrizions di catalogs di urganisadëures de viac. Ma nia dinrer ti suzédla iust a chëi che aposta danora abeneura, che n valguni di servijes mpermetui ne ie nia plu da abiné te edizions nueves de catalogs y che chisc servijes ne ti vën po perchël nia plu pitei. Ma i servijes mpermetui ti catalogs ie lienc sce l'apusteda ie unida fata propi pervia de chisc servijes. Perchël iel perdrët for da cunsië che l catalogh vënië indicà espressamënter tl cuntrat (cun data de publicazion) y che n se lasce dé na copia dl catalogh. La sunieria europea à oradechël recunesciù tla sentënza c-400/00 che pra i pachec de viac toca nce chëi viages urganisei dal ufize de viages i che vën vendui aldò de coche l tlient/la tlienta i aposta. Chësc uel dì che per l urganisadëur de viages ne ie nia mé lienc i servijes udui danora tl catalogh, ma nce duc i servijes dejidrei y apustei seurapro dal tlient y scric tl cuntrat de viac.SCIOLDI
Paië cun chertes y tò ora scioldi tres bancomat tla UE: adatament dla spëises a livel naziunel y oradecà
Aldò dl regulamënt dla UE 2560/2001 ne daussá la banches dai prim de lugio impo nia plu se damandé deplù per operazions cun bancomat y paiamënc cun cherta fac te n paesc dla Union Europea che per la medema operazions fates tl raion naziunel. La tëma di defendëures di consumadëures n chësc cont ie che l fat possa purté pro al avané di cosc' a livel naziunel. Oradechël ne iel ënghe mo nia tler sce n musserà, canche n tol ora scioldi oradecà, mé paië la spëises ratedes dala banca pra chëla che n à i scioldi, o sce la banca da oradecà, ulache n tòl ora i scioldi, possa nce mo raté vel spëises.Nosc cunsëi: sce ulëis tò ora scioldi o paië cun cherta te n auter stato dla UE iel bon se nfurmé danora n cont dla spëises pra si banca.
VIAGË II
Plu defendura per consumadëures tl julé
Tl 1997 à la UE stabilì cun l regulamënt n. 2027/97 te na maniera uniforma la respunsabltà per mort o ferida de passajires de jol tl cajo de inzidënc. L regulamënt dla UE n. 889/2002 dl 13 de mei 2002 dëssa s'ën amplië la sort y l grado de respunsabltà dla linies de jol. Perchël vën i joi naziunei metui ala per cun i joi tl raion di paejes dla Union Europea, chësc cumporta per i joi naziunei n miuramënt dla cundizions n cont dla respunsabltà. Oradechël vën la respunsabltà dla linies de jol slargià ora ai caji de cufri perdui, danejei o ruinei y al dann gaujà da tardivanzes.N cont de chësc regulamënt nuef meterà la ZCE tosc adum na plata de nfurmazions.
L cajo dl mëns
N zitadin indian, che lëura y ie residënt te Südtirol da trëi ani incà, ova l ann passà d'instà apustà n jol per la trassa Viena-Delhi. Pra l jol de reviers ova l consumadëur bele fat via la formaliteies n cont dl passaport y giatà la board card, canche n cumëmber dl personal de jol l n'à nia lascià zapé tl julier, ajache l dubitova che si documënc fova valëivli. Do discuscions cun l'autoriteies di passaporc y cun l consulat talian, che se à sambën trat ora bendebo ala longia ie la cossa finalmënter unida tlarida, ma l consumadëur ova ntant danz perdù l jol.Canche l ie dadedo po jit pra la linia de jol per apusté n auter jol, àl messù paië 90 Euro de spëises per l mudament dl'apusteda - ma n ti à nia metù a disposizion n auter jol.
Ala fin fova l desfurtenà sfurzà a cumpré n ticket de jol nuef pra n'autra linia paian 1.000 Euro.
La Zentrela Consumadëures Europea ie unida nciarieda cun l cajo y à cialà de fé dut per judé l consumadëur a giaté a reter la spëises nia giustifichedes. Do doi mënsc de curespundënza à la linia de jol finalmënter paià la soma de 1.090 Euro.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239