english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.OTOBER 2002
Redaktion: Zentrela Europeica Cunsumadëures Bulsan
PAIAMËNT PER AUTOSTREDES
La "vinieta" per l'autostreda (Vignette) dl'Austria ne ie nia trasferibl
Dan n valgun dis ie na consumadëura jita pra l ufize dla sozietà autostradela austriaca de Schönberg per se lascé dé na vinieta per si auto nuef. Ëila ova tëut ju da si vedl auto la vinieta de chël ann y la à lasceda detlaré nia plu valeivla dal mpliegà dl'autostreda de Schönberg, ajache la fova segura de giaté per i 8 mënsc che restova aldò de si cuntrat na vinieta nueva per l auto nuef. A chësta dumanda ti ie unida data na dumanda negativa y chël n basa a na disposizion legislativa prezisa:La vinieta dà n dërt de ndrova lià al auto (uel dì nia lià ala targa o al patron dl auto) y ie n bol ufiziel. Sce l auto vën desdì, ajache l ie unì vendù o per dann total o ajache l ie per ejëmpl unì rubà, resta la vinieta lieda al auto y l ne ie deguna puscibltà che la vënie trasferida.
L ne joa nia se tò pea tl auto nuef la copia dl cuntrat de compra dla vedla vinieta: pra n cuntrol sun l'autostreda sometuda a paiamënt sarà la polizai dl'Austria sfurzeda a scrì su la nfrazion de paiamënt mancià dla chëuta autostradela y l messerà dé na straufonga de 120 Euro (per auti).
INTERNET
Lincanc tl Internet: Metëde verda, trapuledes!
Nia da giut, tulan pert a n lincant sun na plata Internet de n pitadëur di Paesc Tudësc ie plu de cënt persones unides trapuledes perdan de gran somes de scioldi: l venditëur ti ova comunicà a duc i partezipanc che l obiet de compra, n computer purtabl, ti fossa jit a d'ëi. Chisc, dut cuntënc per via la compra, à bele debota paià íte al venditëur la soma fata ora. Sambën ne ti ie chësc computer mei ruvà y l ne ti ruverà bonamënter nce mei: dl venditëur ne san nia ulache l ie, l ova giaurì n conto de banca sun n inuem fauz per pudëi ncassé cënt iedesc l priesc de compra.L ie da muië che te caji sciche chësc ne possen fé nët nia contra la firma de lincant: chësta mët mé a disposizion si plata-Internet sciche plataforma per l lincant, ma la ne à nia l duvier de se nfurmé avisa n cont di cumpradëures y venditëures, de cuntrolé la nfurmazions y de ti les fé al savëi, n cajo de dificulteies, ai trapulei (mé n basa a na urdenanza giudiziera). Al consumadëur desfurtenà ti resta perchël mé la puscibltà de na plura direta contra l venditëur - na plura de chëla, che n ne sa nia sce la porta a velch!
VENDUDES A DISTANZA
Compra al telefonn de zedules dla loteriestudësces NKL y SKL
Cun l liber de telefonn de nosta provinzia tla man à n valgun venditëures dla Norddeutsche y Süddeutsche Klassenlotterien cuntatà truepiscimi consumadëures cialan de ti pancé su zedules dla doi loteries naziuneles tudësces. Cie che truep consumadëures ne sa nia, ie che pra la compra a distanza de zedules dla loteria ne possen nia fé valëi l dërt de rezeduda, che vel normalmënter pra chësta sort de vendudes, ajache l ie espressamënter udù danora dala lege.Chiche ne fossa no nteressà de cumpré chësta zedules, no de giaté d'autra ufiertes n chësc cont, fej miec à l dì bel tler. Sce chisc venditëures ëssa mpo mo da Ve cuntaté, pudëis i dé sëura aldò dl decret legislatif n. 185/99.
L cajo dl mëns
N consumadëur tudësch se à prejentá pra la ZCE per damandé aiut: bele da giut òvel crì arferadëures da baraté ora per i jadins de si muta, ma chisc arferadëures ne semiova nia da abiné ti Paesc Tudësc. Produtëura di arferadëures ie na firma taliana, che - aldò di revenditëures tudësc - i vënd oradecà mé te de pitla cuntiteies, bonamënter per vënder deplù jadins nueves. Na nutizia nia iust bona, pervia che arferadëures menei possa vester n gran pericul dantaldut per i pitli.La ZCE à bele debota damandá do pra la firma che ova bele njinià la soluzion dl problem: la ova metú a jì n servisc nuef per i tlienc, tres chël che l ie mesun apusté duc i pec de barat tres Internet y d'i giaté a cësa per posta.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239