english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.DEZËMBER 2002
Redaktion: Zentrela Europeica Cunsumadëures Bulsan
INTERNET I
Bandes africanes de trapulons chir vitimes che ne ie nia bones de se parél
Dut mët man cun na email dal titul che semea vester drët nteressant coche "cun prëscia" o "sucrët" o "pruposta d'afares". L destinater vën zità coche persona de crëta, che possa ti judé dassën al mitënt, che muessa esporté na soma virtuela (suvënz majera de 20 milions de Euro) oradecà. L destinater giatëssa per chësc si aiut l 30% dla soma, ma dut ie sambën nventà. L mitënt ie aldò dl cajo la vëidua de n general, n banchier, o n ex-cumëmber dl guviern o vel' da de tel.L elemënt che duc chisc emails à deberieda ie "che tl cajo che n ne fossa nia boni de trapiné i scioldi ora dl Paesc, tumëssi tla mans de n regim militer, de na urganisazion criminela o de d'autra crafla y che i unissa adurvei per rejons de viera o te uni cajo per rejons imorales".
Sce n se desmostra nteressei a judé fajan la transazion vëniel damandà da pert dl "partner d'afares" (che ie perdrët na urganisazion de trapulons) de mandé ite n'antezipazion de 2.-3.000 Euro cun la scusa de n bujën de curì spëises legales y burocratiches.
Sciche sce l ne fossa nia ssé, messëssen viagë persunalmenter tl Zimbabwe, Tla Costa d'Avuere, Sudafrica o Nigeria cun l fin de stlù ju la transazion y de unì ino a cësa cun i scioldi. Ma mpede milions de Euro ne aspieta auter che rapina, ferides, estorsion, coche protocolea a una l'autoriteies de polizai europeiches.
Sce nce Vo assais da giaté na email de chësta sort, ie la sëula cossa da fé, chëla de dé sëura l mitënt pra la autoriteies cumpetëntes.
Per plu nfurmazions possen cunsulté la plata de nfurmazion "Viruswarning!"
BANCHES
N sëul ambient europeich per i paiamënc?!
Da lugio dl 2002, per tò ora scioldi cun l bancomat o per paiamënc tres cherta de credit fac ti paesc dla Union Europeica, muessa la banches pratiché la medema cumiscions aplichedes per la transazions fates a livel naziunel pra d'autra banches. Aldò dla nterpretazion dl ABI ne uel chësc nia dì, che la banches ne possa nia nciarië l consumadëur cun d'autra spëises adebitedes per l'operazion internaziunela. Pervia che na tel nterpretazion dl regulamënt n. 2560/01 ne lascia nia pro na realisazion cuncreta de n sëul ambient europeich de paiamënt, cuntrolea la Cumiscion Europeica s'ën l cumpurtamënt dla banches talianes. Sce, da lugio dl ann passà, Ve ie unides adebitedes, per tò ora scioldi dal bancomat o per paië cun chertes de credit te n auter paesc, cumiscions plu autes de chëles calculedes per operazions sun l teritore naziunel pra d'autri istituc, pudëis jì a Ve cunsië pra l Zënter Europeich Consumadëures (Tel. 0471-980939 o info@euroconsumatori.org).INTERNET II
"Paiamënt mé do avëi giatà la marcanzia" ti lincanc virtuei
Ala majera pert di "cybernauc" ie l problem bën cunesciù. Chiche tòl pert a n lincant tl Internet ne possa avëi deguna garanzia de no tumé tla mans de n trapulon. Nce i giudizies positives de d'autri cumpradëures possa saurì unì criei sun l mumënt: n venditëur, per ejëmpl, cun adresses Internet defrëntes possa se dé nstës n bel atestat. Nce l barat de fax o emails ne schiva nia che l trapulon posse se n mucé do avëi giatà i scioldi - zënza sambën cunsenië la marcanzia. Chiche ulëssa te uni cajo tò pert a lincanc online possa se nuzé, a paiamënt, de n servisc "treuhand": l scioldi vën nsci mandeii dant sun n conto dl servisc-treuhand y po, permo canche la marcanzia ie unida cunsenieda, mandei inant sun l conto dl venditëur.SENTËNZA UE
Architec UE: Viulazion dl dërt ala liedëza de stabilimënt
Cun la sentënza dl 21 de merz 2002 à la Chëurt de Giustizia Europeica cundanà la Republica Taliana per ti vester stata de mpedimënt ilegitimamënter ai architec fulestieres ti sfurzan su ublianzes defrëntes. N ejëmpl: i architec che univa da un di stac cumembri dla UE messova se scrì ite al órdenn prufescionel teritorialmënter cumpetënt sce i ulova prejenté n proiet te n chemun. N basa a chësta pronunzia messësel tl daunì vester plu saurì per i cunsumadëures sudtirolejes a se nuzé de architec fulestieres. |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239