	2009
	2008
	2007
	2006
	2005
	2004
	2003
	2002
	2001
	2000
	September 2010
	SETËMBER 2010
	Juli - August 2010
	Lugio/Agost 2010
	Juni 2010
	Jügn 2010
	Mai 2010
	Mei 2010
	April 2010
	Auril 2010
	März 2010
	Merz 2010
	Februar 2010
	Faurè 2010
	Jänner 2010
	Jené 2009

Verbrauchertelegramm / Jügn 2010

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

Verbrauchertelegramm Europa-Ausgabe Jügn 2010

Beilage zur ladinischen Europa-Ausgabe Nr. 42 - Redaktion: Europäisches Verbraucherzentrum

SKY EUROPE

Prozedimënt de concurs stlüt jö - i passajiers resta cun les mans ötes

Al pröm de setëmber dl 2009 à la sozieté de fligri slovaca SkyEurope messü archité sü jori. Cënc y cënc de consumadus, danter chisc ince n gromun de passajiers talians, ne n'à nia podü adorè sü tickets bele paià y é stà sforzà da cumprè a sües spëises n ater ticket de jore. La compagnia de jore é jüda ala nia y i passajiers interessà à albü la poscibilité de presentè sües ghiranzes. La prozedöra de concurs é bele gnüda stlüta jö ai 21 de dezëmber dl 2009 cun n decret iudiziar por mancianza de massa. N valgügn crediturs à fat la proposta de presentè na lamentanza cuntra chësta dezijiun, mo la tribunal raional de Bratislava à confermè definitivamënter la dezijiun: ai crediturs, chël ô dì ai passajiers interessà, ne ti gnaràl nia retü i scioldi.

CËNDER DL VULCANN

la ZCE dëida fà avarëi i dërc di passajiers di fligri

Al pê che le vulcann dl'Islanda Eyjafjallajökull s'ais archité y che le trafich di fligri ne vëgnes nia plü tignì sö dal cënder dl vulcann tl 'Europa. La rëi dles Zentrales Consumadus Europeiches (ZCE-Net) ti pîta inant ai consumadus, a chi che al ti é gnü straihé le jore, aiüt por fà avarëi i dërc garantis dales normes dl'UE. La Comisciun europeica y la ECC-Net à laurè fora n pachet cun informaziuns d'öga che dess daidé i consumadus fà avarëi sü dërc. Le pachet - desponibl te düc i lingac dl'UE - tol ite danter l'ater: na lëtra de lamentanza standard, desponibla te düc i lingac nazionai; na lista de misciuns olâ menè les lëtres de lamentanza; consëis sön co se la fà fora cun la compagnia de jore defora dal tribunal y sön le recurs dla prozedöra dl'UE por la composiziun dles pices stritaries, sciöche p.ej. por damanè do la retüda di cosc che ti speta; y les respostes ales domandes fates plü sovënz. Le pachet é desponibl pro la Zentrala Consumadus Europeica de Balsan info@euroconsumatori.org (tel. 0471-980939).

CUFRI JÜS A PERDE

La Curt de iustizia dl'Uniun europeica confermëia le limo mascimal de responsabilité

Le fligher é rové adalerch sön l'ora, mo üsc cufri ne n'é ignó? Pro de te caji vëiga danfora les normes comunitares (Reg. (CE) n. 889/2002 y la Convenziun internazionala de Montreal) che la responsabilité dla sozieté de fligri sides de alplü 1.000 dërc speziai de retrata (DSP - unité de cunt dl Fonds Monetar Internazional), chël ô dì zirca 1.200 euro sce i cufri se rump, va a perde, vëgn danejà o röia adalerch plü tert. N consumadù à pluré na sozieté de fligri spagnola. Al à ghiré che al ti gniss retü le cost di cufri pordüs, indöt 3.200 euro: 2.700 euro por i cufri che é jüs a perde y 500 euro por i dagns morai gaujà. La Curt à fat fora che por i dagns ai cufri aràton che la sozieté de fligri sides responsabla dl fat che "l'evënt che à gaujé la desdrüta, la pordüda o le danejamënt é sozedü te fligher o tratan che la sozieté de fligri â da ciarè di cufri ". N te' rejim de "responsabilité zitia" se damana che al vëgnes presservè na "dërta balanza di interesc" y limi tlers sön la retüda che reverda le dann complessif de vigni passajier. Por chësta rajun à la Curt de iustizia detlarè che les compagnies de fligri mëss paié alplü 1.000 DSP (chël ô dì ca. 1.200 euro) por dagns che vëgn dantadöt a se le dè sce i cufri va a perde, y che chësta soma mascimala tol ite sides le dann material co chël nia material. Recordesse che le limo de responsabilité por i cufri po gnì alzè sce i presentëis na detlaraziun de majer valur (excess value declaration) y paiëis n suplemënt canche i fajëis le check-in. Implü désses tó en conscidraziun la poscibilité de stlü jö na assiguraziun de iade.


software by endo7