	2009
	2008
	2007
	2006
	2005
	2004
	2003
	2002
	2001
	2000
	Juli - August 2010
	Lugio/Agost 2010
	Juni 2010
	Jügn 2010
	Mai 2010
	Mei 2010
	April 2010
	Auril 2010
	März 2010
	Merz 2010
	Februar 2010
	Faurè 2010
	Jänner 2010
	Jené 2009

Verbrauchertelegramm / Merz 2010

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

Verbrauchertelegramm Europa-Ausgabe Merz 2010

Beilage zur ladinischen Europa-Ausgabe Nr. 21 - Redaktion: Europäisches Verbraucherzentrum

TRAPOLADES TE INTERNET

La trapolada apaissa online - la fufola di iPhone

I colegs dla Zentrala di Consumadus Europeica (ZCE) Austria à dan da püch lascè alsavëi te n comunicat stampa che al röia adalerch tres de plü lamentanzes da pert de consumënc che é vitimes de trapolades te internet. Produc dër dejidrà, sciöche por ejëmpl i iPhones, vëgn pità te internet a mez prisc - da firmes o ince privac suponüs. Metede averda: scinché ne ves vëgn pa gnanca nia sön internet! Rodunt canche an arata de ester rové pro na ocajiun désson tignì i edli daverc.
Al vëgn damanè de paié tres sorvisc de trasferimënt de contanc sciöche Western Union o Money Gram. Dedô ciàfon ciamò la comunicaziun de n sorvisc de poc postai che ghira le daz. O altamo insciö ti éra jüda a na consumadëssa austriaca che à impormò dailò metü man da dubité, deache an ne mëss pö nia paié le daz daite dal'UE. Mo la consumadëssa â bele paié 400 euro.
A n consumadù che é jü dala ZCE Talia - sënta de Balsan ti éra jüda ciamò peso. Ince ël à ciafè n iPhones bun marcé te internet y à naôta paié 400 euro (de chisc 50 por la spediziun dal'Inghiltera) tres Western Union. Dedô ti él gnü pité 8 telefonns a n prisc spezial; chi éssel pö podü dè inant a compagns. Nosc consumadù à azetè l'oferta y à ciamò n iade paié, mo i telefonns ne n'àl mai ciafè. Al ti é gnü damanè de paié ciamò le daz, la cuta sön le valur ajuntè, les spëises de trasport y.i.i. Ala fin àl paié 4500 euro zënza ciafè val' por chisc scioldi.
Sce al ves vëgn damanè de trasferì contanc tres Western Union o Money Gram canche i cumprëis val' te internet o canche i stlujëis jö n'atra sort de contrat, désses atira mëte man da dubité. Chisc sorvisc de trasferimënt de contanc ne va nia bun por i paiamënc a porsones che i ne conescëis nia y ai vëgn sovënz adorà pro trapolades.

LA BROSCIÜRA DLA ZCE

Informaziuns da tó para indlunch

Che che s'arjigna les brosciüres debann dla Zentrala di Consumadus Europeica é tres informè sön döt. I codejì d'informaziun é da ciafè tl ofize dla ZCE tla str. Brenner 3 a Balsan, ai vëgn menà sciöche documënt pdf por e-mail sce an se le damana pro info@euroconsumatori.org, y ai ves vëgn menà a ciasa por posta sce i ti mënëis n martl da 1,40 euro ala ZCE.
Al é da ciafè chëstes brosciüres:
Importè instësc auti dal'UE, Importè instësc auti dal'UE - Pert II, E-Commerce, Venüda de imobii tla Talia, Iadi pausciai, Mesi de paiamënt tla Talia y al èster.

Caje dl mëis

Na consumadëssa todëscia à cumprè na tascia da man de na marca taliana dër conesciüda tratan sües vacanzes tla Svizera.
Canche la consumadëssa s'à intenü che la tascia ê da defet l'àra portada tla botëga de Hamburg dl produtur talian che ti à naôta proponü de cuncè la tascia por n valgügn cënc de euro. La consumadëssa ne n'à nia azetè la proposta y ti à lascè alsavëi ci che al ê sozedü ala Zentrala di Consumadus Europeica de Balsan tres la ZCE Germania.
Chisc à tut sö contat diretamënter cun le produtur che à atira desmostrè de orëi colaborè y à fat dles dötes por acontentè la consumadëssa; chësc ti é spo ince garatè: na colaboradëssa dla marca de lus taliana à lascè cuncè debann la tascia da man te n laboratore talian, y s'à dedô cruzié de ti la ortié atira ala botëga de Hamburg, olache la consumadëssa é jüda a s'la do döt contënta. Chësta é veramënter na firma a chëra che al ti sta a cör i tliënc y i consumadus.


software by endo7